योगीद्वारा खाल्डोमुनी वसेर सातदिने भूतपस्या शुरु

दमकको वेलडाँगीस्थित भुटानी शरणर्थी शिविरमा मनोक्रान्तिका योगी श्री ञं सातदिने निराहार भूतपस्याका लागि खाल्डोमुनि वसि शुरु गरेकाछन् ।
वेलडागी -३ स्थित शिवालय मन्दिर परिसरमा नौ फिट गहिरो र नौ फिट चौडा खाल्डो खनी त्यस मुनी वसेर सात दिन सम्मको तपस्या गर्ने भनिएको छ । मनोक्रान्ती भित्रको तेश्रो अभियान अन्तरगत भूतपस्या गर्ने गरिन्छ ।चेतन मनलाई नियन्त्रणमा राख्ने हो भने असफल कार्यलाई पनि सफल गर्न सकिन्छ भन्ने शिक्षाका लागी सो कार्य प्रेरणदायक रहेको योगी श्री ङं ले जानकारी दिएका छन् । यसलाई योग अभ्यासबाट पहिलो चरणको मानसिक रुपान्तरण भएपछि मात्र गर्न सकिने योगीको भनाइ छ । यसलाई सन् १९९२ मा गरिएको अनुसन्धान अनुसार एक्युपञ्चर एण्ड इलेक्ट्रो थेरापिक्स् रिसर्च इन्टरनल नामक म्याग्जीनमा उल्लेख भए अनुसार सामान्य मानिसको उर्जाभन्दा तपस्या वा अभचेतन मनको प्रयोग गर्ने व्यक्तिको शक्ति एक हजार गुणाले वढि हुने समेत प्रमाणित भइसकेको छ । यसै आधारमा मानव जातिको सिद्धीका लागि उक्त अभियान शुरु गरिएको वताइएको छ । यसरी भूतपस्यामा रहनु हुने श्री योगीले २४ घण्टामा एकपटक पानी मात्र पिउनका लागि व्यवस्था गरिएको छ ।
त्यसैले वेरोजगार र लक्ष्यविहिन युवाहरुलाइ उठाउन र जीवन उपयोगी उर्जाशिल वनाउन सो कार्य वेलडाँगी स्थित शिविरमा गरिएको समेत बताइन्छ ।





श्री पाथीभरा शसस्त्र प्रहरी गणमा रहेका जवानहरु योग प्रशिक्षणमा सहभागी भइ योग गर्दै । दैनिक बिहान शारीरीक अभ्यासमा दौडने यी जवानहरुलाई योग प्रशिक्षण दिन शुरु गरिएको हो । जवानहरुले यो योग अभ्यासको शुरु दिनमा ९० प्रतिशत आसनहरुमा असफल भएको योग प्रशिक्षक वताउछन् ।