अहिले अमेरिका जान चाहनेहरूका लागि डि.भि. फर्म खुलेको छ । यो चिठ्ठामा सहभागी हुन संसार भरका करिव २० वटा देश बाहेक सवै देशहरुबाट बर्षेनी करोडौं मानिसहरुले इन्टरनेटबाट फर्म भर्ने गर्छन् । विगतका वर्षहरुको अनुमानित तथ्यांकलाई हेर्ने हो भने नेपालमा प्रति वर्ष करीव २ लाख मानिसले डि.भि. भर्ने गर्छन् ।
आजभन्दा ३ वर्ष अगाडिसम्म हातले लेखेर वा कम्प्युटरबाट प्रिन्ट गरेर हुलाकमार्फत पठाउनु पर्थ्यो । सुचना प्रविधिको विकासले गर्दा अहिले अमेरिका जान चाहनेहरुको लागि अनलाइन डि.भि. फर्म एकदमै सजिलो भएको छ ।
हुन त १८ वर्ष मुनिका र कमसे कम १२ कक्षा पास नगरेकाले डि.भि. नभर्नु भनेर अमेरिकी दुतावास र सम्वन्धित निकायले बारम्वार सूचना प्रवाहित गरिरहेका छन् तर पनि १४ - १५ वर्षका केटाकेटी र आठ कक्षा पनि पास नगरेकाहरु पनि डि.भि. भर्न खोजिरहेका देखिन्छन् ।
संसारको स्वर्गै जस्तो ठानेर अमेरिका भनेपछि मानिसहरु भुतुक्क हुन्छन् । तर त्यहाँ पुगेर वाउन्न घुस्सा त्रिपन्न ठक्कर खानेहरुको कमी नभएको पनि विभिन्न माध्यमबाट हामीहरुले सुनि नै रहेका छौं । यहाँ आफ्नो ठाउँमा, आफ्नो देशमा नै कुनै उद्योगधन्दा, व्यवसाय गर्न राम्रै लगानी गर्न सक्ने हैसियत भएकाहरु पनि अमेरिका गएर होटलमा भाँडा माझ्न या पेट्रोल पम्पमा तेल हुन तयार हुन्छन् । मेरो एउटा साथी छ, यहाँ उसको कारोबार राम्रै जमेको छ करोडौंको सम्पति छ तर उ यहाँको सवै सम्पती बेचेर भए पनि अमेरिका जान चाहन्छ । मलाई भन्दै थियो, सवै बेचेर उतै गएर पेट्रोल पम्प खोल्छु । उ जस्तै अरुहरुले पनि गर्न थाले भने यो देश कहाँ पुग्ला ? मलाई त यही चिन्ताले पो सताइरहेछ ।
2 comments:
please tell that friend, it is not easy to open Gas station in America. 1st he has to know, if he has RS 100 000, that will be around $ 15 000. that money is nothing for here to do any bgness. next is law of the country. The law and order is so strict nobody can turn their head at least not we nepalese because we are born in lawless society. Moreover, it takes few months to settel here, till then half the money will be finished.
उसले सुनेको रहेछ $25000 भयो भने त्यहाँ gas station खोल्न सकिन्छ । त्यति मात्र हैन त्यो भन्दा केही गुणा बढी उसँग छ रे ।
Post a Comment